ലോക സാക്ഷരതാ ദിനം

അക്ഷരം ജീവിതമാണ്,
അറിവ് ലക്ഷ്യവും...

സെപ്റ്റംബർ 8
ലോക സാക്ഷരതാ ദിനം

കോടിസൂര്യപ്രഭയോടെ ജ്വലിക്കട്ടെ അക്ഷര നക്ഷത്രം...



സെപ്റ്റംബർ 8 അന്താരാഷ്ട്ര  സാക്ഷരതാ ദിനത്തിൻ്റെ ഭാഗമായി കുട്ടികൾ തയ്യാറാക്കിയ കുറിപ്പുകൾ വായിക്കാം:

സാക്ഷരതാ ദിനം          

സെപ്റ്റംബർ 8 ,സാക്ഷരതാ ദിനം. ലോകത്തെ എല്ലാ ജനങ്ങളും സാക്ഷരരാകേണ്ടതിന്റെ ആവശ്യവും പ്രാധാന്യവും അടിവരയിട്ട് ഉറപ്പിക്കും എന്നതാണ് ഈ ദിനാചരണത്തിന്റെ മുഖ്യ ലക്ഷ്യം. ആത്മവിശ്വാസത്തോടെയും അന്തസ്സോടെയും ജീവിക്കുന്നതിനാവശ്യമായ എഴുത്തും വായനയും ഗണിതവും ഉൾപ്പെടെയുള്ള അറിവുകളും നൈപുണികളും അർജിക്കുകയും താൻ ജീവിക്കുന്ന സമൂഹത്തിന്റെ പൊതുവികസനത്തിന് ഈ കഴിവുകളെ ഉപയോഗിക്കുകയും ചെയ്യുമ്പോഴാണ് ഒരാൾ ആധുനിക സമൂഹത്തിൽ സാക്ഷരൻ എന്നറിയപ്പെടുന്നത്. സാക്ഷരതയിൽ കേരളം ഇന്നും മുന്നിലാണ്.  മലപ്പുറം പിന്നാക്കാവസ്ഥയിൽ നിന്ന് കുതിച്ചുയർന്ന് സമ്പൂർണ്ണ സാക്ഷരത നേടി ചരിത്രം സൃഷ്ടിച്ചു. സാക്ഷരത വ്യക്തികളുടെ വിമോചനത്തിനും വികാസത്തിനുമുള്ള മാർഗം കൂടിയാണ്. ഈ വർഷത്തെ സാക്ഷരതാ ദിനത്തിൽ പ്രധാനമായി യുനെസ്കൊ പ്രാധാന്യം നൽകുന്നത് കോവിഡ് കാലത്തും അതിനു ശേഷവും അധ്യാപനത്തിനും പഠനത്തിനുമുള്ള വിദ്യാഭ്യാസ പ്രവർത്തകരുടെ പങ്കും മാറുന്ന അധ്യയന രീതികളുമാണ്. ലോകത്തിന്റെ പല ഭാഗത്തും ആവശ്യ പഠനനേട്ടങ്ങൾ കൈവരിക്കാൻ സാധിക്കാത്ത അനേകം ആളുകളുണ്ട്. യുനെസ്കോയുടെ നേത്യത്വത്തിൽ അവർക്ക് പ്രാഥമിക അടിസ്ഥാനശേഷി കൈവരിക്കാനുള്ള നിരന്തര പ്രവർത്തനങ്ങൾ നടത്തിവരുന്നു. പക്ഷെ കോവിസ് - 19 മൂലം ലോകമാകെയുള്ള വിദ്യാഭ്യാസ സ്ഥാപനങ്ങൾ അടഞ്ഞുകിടക്കുന്നതോടെ സാക്ഷരതാ പ്രവർത്തനങ്ങൾ നിർത്തി വച്ചിരിക്കുകയാണ്. പക്ഷെ ഈ സാക്ഷരതാ ദിനത്തിൽ ഇനിയും അക്ഷര വെളിച്ചം കടന്നുചെല്ലാത്ത എല്ലായിടത്തും വിദ്യയാകുന്ന ദീപം തെളിക്കാൻ നമുക്കേവർക്കും കഴിയുമാറാകട്ടെ എന്ന് ആശംസിക്കുന്നു.

            - അമ്യത കെ.ബി 6 C


ലോക സാക്ഷരതാ ദിനം 

സെപ്റ്റംബർ 8
ലോക സാക്ഷരത ദിനമായി ആചരിച്ചുവരുന്നു. യുനെസ്കോയുടെ ആഭിമുഖ്യത്തിൽ 1966 മുതൽ സാക്ഷരതാ ദിനം ആചരിക്കുന്നു.

 ലോകത്തെ എല്ലാ ജനങ്ങളും സാക്ഷരരാകേണ്ടതിൻ്റെ ആവശ്യവും പ്രാധാന്യവും മനസ്സിലാക്കി കൊണ്ടാണ് സെപ്റ്റംബർ 8 ലോക സാക്ഷരതാ ദിനമായി ആചരിക്കുന്നത്. ആത്മവിശ്വാസത്തോടെയും, അന്തസ്സോടെയും  ജീവിക്കാനാവശ്യമായ എഴുത്തും വായനയും ഉൾപ്പെടെയുള്ള അറിവുകളും പൊതു വികസനത്തിന് ഉപയോഗിക്കുമ്പോഴാണ്,  ഒരാൾ ആധുനിക സമൂഹത്തിൽ സാക്ഷരൻ എന്ന് അറിയപ്പെടുന്നത്......

      ഇന്ത്യക്ക്  മാതൃകയായി കേരളം 1991 ഏപ്രിൽ 18 ന് സമ്പൂർണ്ണ സാക്ഷരത കൈവരിച്ചു.
ആ നേട്ടത്തെ ഓർത്ത് ഇന്നും നമ്മൾ കേരളീയർ അഭിമാനംകൊള്ളുന്നു.....

                   - അതുല്ല്യ.വി. ബി 6 B 
       

Comments

Post a Comment

Popular posts from this blog

കുഞ്ഞുണ്ണി മാഷ്

Image
  കുറിയ വലിയ കവി ''എനിക്കുണ്ടൊരു ലോകം നിനക്കുണ്ടൊരു ലോകം നമുക്കില്ലൊരു ലോകം...'' നമ്മുടെയൊക്കെ ഇന്നത്തെ ജീവിതങ്ങളെ വെറും മൂന്നുവരികളിൽ ഒതുക്കിവെച്ച, മലയാളത്തിലെ ആദ്യത്തെ ആധുനിക കവികളിൽ ഒരാളാണ് കുഞ്ഞുണ്ണിമാഷ്. ''വായിച്ചാലും വളരും വായിച്ചില്ലെങ്കിലും വളരും വായിച്ചാൽ വിളയും വായിച്ചില്ലെങ്കിൽ വളയും'' കുഞ്ഞുണ്ണി മാഷിന്റെ ഈ വരികൾ പരിചിതരല്ലാത്ത മലയാളികൾ ഉണ്ടാകുമോ? നിരവധി ചൊല്ലുകളാൽ സമൃദ്ധമായിരുന്നു കുഞ്ഞുണ്ണി മാഷിന്റെ എഴുത്തുകൾ. കുട്ടികളുടെ പ്രിയപ്പെട്ട മുത്തശ്ശനായും വട്ട കണ്ണട വച്ച മുതിർന്നവരുടെ പ്രിയ മാഷായും അദ്ദേഹം പ്രിയപ്പെട്ടവനായി. ദാർശനിക ആശയങ്ങളിലുള്ള കവിതകൾ കൊണ്ടാണ് കുഞ്ഞുണ്ണി മാഷ്‌ ആസ്വാദകരുടെ ഹൃദയത്തിൽ ഇടം നേടിയത്. പൊതുവേ കുട്ടി കവിതകളാണ് കുഞ്ഞുണ്ണി മാഷിനെ പ്രശസ്തനാക്കിയതെങ്കിലും അത്തരം കുഞ്ഞു കവിതകളിൽ ഉറച്ചു പോയ ഒരു കവി ആയിരുന്നില്ല അദ്ദേഹം. പക്ഷേ എന്തു തന്നെ ആയാലും ആ കുഞ്ഞു കവിതകളോളം ദാർശനികത മലയാളത്തിൽ മറ്റൊരു കവിയ്ക്കും നൽകാനായിട്ടില്ല എന്നു വേണം പറയാൻ. അതും വളരെ ലളിതമായ മലയാളത്തിൽ, കുഞ്ഞുങ്ങൾക്ക്‌ പോലും മനസ്സിലാകുന്ന ഭാവുകത്വത്തോടെ. അതുകൊണ്ട് തന...
Read more

ഇതരഭാഷാ കഥാ പരിചയം

Image
കഥയും സമൂഹവും   കഥ ഗൗരവമുള്ള ഒന്നാണ്. കഥ ജീവിതമാണ്. കഥ സ്വാതന്ത്ര്യമാണ്. കഥ ആരെയും രസിപ്പിക്കാന്‍ വേണ്ടി എഴുതുന്നതല്ല. അതിനപ്പുറം അതിനൊരു സാമൂഹിക ലക്ഷ്യവുമുണ്ട്. സാമൂഹ്യ വ്യവസ്ഥിതിയിൽ വരുന്ന മാറ്റങ്ങൾ സമൂഹത്തിന്റെ പല വിധത്തിലുള്ള മാറ്റത്തിനു കാരണമായിത്തീരുന്നു. വിഖ്യാതനായ ഐറിഷ്‌ കവി ഡബ്ലിയു. ബി. യേറ്റ്‌സ്‌ എഴുതുകയുണ്ടായി “A work of art is the social act of a solitary man” എന്ന്‌, സമൂഹവും കലാകാരനും തമ്മിലുള്ള ബന്ധത്തെ ചുരുങ്ങിയ വാക്കുകളില്‍ നിഷ്‌കൃഷ്‌ടമായി നിര്‍വ്വചിച്ചിരിക്കയാണ്‌ യേറ്റ്‌സ്‌. ഏതു കലാസൃഷ്‌ടിയും ഏകാകിയായ കലാകാരന്‍ ഏകാഗ്രമായി രൂപം നല്‍കുന്നതാണ്‌. പക്ഷേ, ആ കലാസൃഷ്‌ടി അതേസമയം ഒരു സാമൂഹ്യപ്രവര്‍ത്തനവുമാണ്‌. സാമൂഹ്യജീവിതം ഒളിഞ്ഞോ തെളിഞ്ഞോ സ്വാധീനിച്ചിട്ടില്ലാത്ത ഒരു കലാസൃഷ്‌ടിയുമില്ല. സൃഷ്‌ടിക്കപ്പെട്ടുകഴിഞ്ഞാല്‍ അതിന്റെ ഉടമസ്ഥാവകാശം കലാകാരനുണ്ടാവാമെങ്കിലും കൈവശാവകാശം സമൂഹത്തിനാണ്‌. അതിനാല്‍ എല്ലാ കലാസൃഷ്‌ടിയും ഏകാകിയായ വ്യക്തിയുടെ സാമൂഹ്യപ്രവര്‍ത്തനമാണ്‌. ജനനം മുതല്‍ മരണം വരെയുള്ള ഓരോ ഘട്ടത്തിലും മനുഷ്യന്‍ അന്യരുമായി ബന്ധപ്പെട്ടുനിൽക്കുന്നു എന്നതാണ്‌ വാസ്‌തവം.  രസ...
Read more