NATTUPACHA MAGAZINE

തിരികെ സ്കൂളിലേക്ക്... ഇന്ന് നവംബർ 1  പതിവിലും വിപരീതമായി കേരളപ്പിറവി എന്നതിനേക്കാൾ തിരിച്ചുവരവിൻ്റെ പിറവി ആഘോഷിക്കപ്പെടുകയാണ്. നഷ്ടപ്പെട്ടു എന്നു കരുതിയ പലതും നിയന്ത്രണങ്ങളോടെയാണെങ്കിലും തിരികെ വരുകയാണ്..! ലോകം തന്നെ 'കോവിഡിന് മുൻപും ശേഷവും ' എന്ന് മാറിയ കാലഘട്ടത്തിലാണല്ലോ നാം. മനുഷ്യരാശിയുടെ ചരിത്രത്തിൽ ഇതുവരെ കാണാത്ത ഒരു അടച്ചിടലിനാണ് ലോകം മുഴുവനും, പ്രത്യേകിച്ച് വിദ്യഭ്യാസ സ്ഥാപനങ്ങളും സാക്ഷ്യംവഹിച്ചത്. കോവിഡ്-19 വൈറസ് കുട്ടികളെ സാരമായി ബാധിച്ചില്ലെങ്കിലും കോവിഡ് മൂലം സമൂഹത്തിലുണ്ടായ മാറ്റം ഏറ്റവും കൂടുതൽ ബാധിച്ചത് അവരെയാണ്; അവരുടെ ശാരീരികവും മാനസികവും വൈകാരികവും സാമൂഹികവുമായ വളർച്ചയെയാണ്.  ലോകം മുഴുവൻ ഭീതിയും ആശങ്കയും ഒരുപോലെ നിലനില്ക്കുന്ന കൊറോണ പ്രതിരോധത്തിന്റെ ഈ കാലഘട്ടം ചരിത്രത്തിൽ വേദനയോടെ രേഖപ്പെടുത്തുന്ന പ്രധാനപ്പെട്ട കാലയളവാണ്. അപകടകാരികളായ നിരവധി സൂക്ഷ്മജീവികളെ ചെറുത്തുതോല്പിച്ച സുവർണ്ണ ചരിത്രം നമുക്കുണ്ട് എന്നതും ആധുനിക ശാസ്ത്ര സാങ്കേതികവിദ്യ വിജയപാതയിലൂടെ അനുനിമിഷം കുതിച്ചുകൊണ്ടിരിക്കുന്നു എന്നതും ശുഭപ്രതീക്ഷ നൽകുന്നു. ജീവിതത്തിലെ മറ്റെല്ലാ മേഖലയിലുമെന്നപോലെ വിദ