Posts

കഥാചർച്ച സംഘടിപ്പിച്ചു

Image
  ചർച്ച നയിച്ചുകൊണ്ട് ആദിത്യലാൽ സംസാരിക്കുന്നു  ആദിദേവ് സി.ആർ. കഥ അവതരിപ്പിക്കുന്നു  ചേർപ്പ് : ചേർപ്പ് സി.എൻ.എൻ. ബോയ്സ് ഹൈസ്കൂൾ റീഡേഴ്സ് ഗിൽഡിന്റെ ആഭിമുഖ്യത്തിൽ കഥാചർച്ച സംഘടിപ്പിച്ചു. പ്രശസ്ത സാഹിത്യകാരൻ യു.കെ. കുമാരൻ എഴുതിയ കണ്ണിൽ തറയ്ക്കാത്ത ദൃശ്യങ്ങൾ എന്ന കഥയാണ് ചർച്ച ചെയ്തത്. പത്താം ക്ലാസ് വിദ്യാർത്ഥിയായ ആദിദേവ് സി.ആർ., എട്ടാം ക്ലാസ് വിദ്യാർത്ഥിയായ ആദിത്യലാൽ എന്നിവരാണ് ചർച്ച നയിച്ചത്. ആരവ് കൃഷ്ണ, ഹരികിഷൻ സി പ്രവീൺ തുടങ്ങിയ വിദ്യാർത്ഥികൾ ചർച്ചയിൽ പങ്കെടുത്ത് സംസാരിച്ചു.  കഥ സാധാരണ മനുഷ്യൻ്റെ ജീവിത സാഹചര്യങ്ങൾ വരച്ചു കാണിക്കുന്നുവെന്നും മനുഷ്യൻ്റെ നിസ്സഹായത വെളിവാക്കുന്നുവെന്നും ആദിദേവ് സി.ആർ. അഭിപ്രായപ്പെട്ടു. ജീവിതസാഹചര്യങ്ങളോടുള്ള കഥാകൃത്തിന്റെ വീക്ഷണമാണ് കഥയിൽ അവതരിപ്പിച്ചിരിക്കുന്നത് എന്ന് ആദിത്യലാൽ  അഭിപ്രായപ്പെട്ടു. കഥയുടെ അവസാനം കുറച്ചുകൂടെ വ്യക്തമാക്കാമായിരുന്നു എന്നും കഥാകൃത്തിന് വായനക്കാരോട് കഥാപാത്രത്തിന് എന്ത് സംഭവിച്ചു എന്ന് പറയാമായിരുന്നുവെന്നും ആദിത്യലാൽ കൂട്ടിച്ചേർത്തു.  തുറന്ന അവസാനത്തോടുകൂടിയ കഥ വായനയുടെ പുതിയ മേഖലകൾ തുറന്നിടുകയാണെന്ന്...

റീഡേഴ്സ് ഗിൽഡ് കഥാചർച്ച

Image
കഥാചർച്ചയിൽ ആരവ് കൃഷ്ണ കഥാവതരണം നടത്തുന്നു ചേർപ്പ്: സി എൻ എൻ ബോയ്സ് ഹൈസ്കൂൾ റീഡേഴ്സ് ഗിൽഡിന്റെ ആഭിമുഖ്യത്തിൽ കഥാചർച്ച സംഘടിപ്പിച്ചു.  കഥാകൃത്ത് അഷ്ടമൂർത്തിയുടെ വിവാഹ യാത്ര എന്ന കഥയാണ് ചർച്ച ചെയ്തത്. വായനശാലയിൽ നടന്ന ചർച്ചയിൽ ആരവ് കൃഷ്ണ കഥ അവതരിപ്പിച്ചു. രവി ആഗ്നേയ്, ആദ്യദേവ് സി ആർ, ഹരികിഷൻ സി പ്രവീൺ, സൗരവ് കൃഷ്ണ,ആരുഷ്, സായി കൃഷ്ണ, ഭഗവത്  തുടങ്ങിയവർ കഥ വിശകലനം ചെയ്ത് സംസാരിച്ചു. വലിയ പ്രതീക്ഷകളോടെ വധൂവരന്മാരും ബന്ധുക്കളും ചേർന്നുള്ള വിവാഹ യാത്ര ഒരു അപകടത്തിലാണ് കലാശിക്കുന്നത്. അതീവ ശ്രദ്ധയോടെ സാവധാനത്തിൽ കാറോടിക്കുന്ന ഡ്രൈവറും വധൂവരന്മാരും അപകടത്തിൽ കൊല്ലപ്പെടുന്നു.  ലളിതമായ ആഖ്യാന ശൈലിയിലൂടെ ജീവിത സന്ദർഭങ്ങൾ കഥയിൽ ആവിഷ്കരിച്ചിരിക്കുകയാണ് കഥാകൃത്ത് എന്ന് കഥാചർച്ചയിൽ വിലയിരുത്തപ്പെട്ടു.

റീഡേഴ്സ് ഗിൽഡ് ഹാങ്ങ്ഔട്ട്

Image
  റീഡേഴ്സ് ഗിൽഡ് ഹാങ്ങ്ഔട്ടിലെ പുസ്തകചർച്ച  ചേർപ്പ്: ചേർപ്പ് സി.എൻ.എൻ. ബോയ്സ് ഹൈസ്കൂളിൽ റീഡേഴ്സ് ഗിൽഡിന്റെ ആഭിമുഖ്യത്തിൽ ഹാങ്ഔട്ട് സംഘടിപ്പിച്ചു. സാഹിത്യവായനയിൽ താല്പര്യമുള്ള കുട്ടികളാണ് ഹാങ്ങ്ഔട്ടിൽ പങ്കെടുത്തത്. സ്കൂൾ ലൈബ്രറിയോട് ചേർന്നുള്ള വായനശാലയിലാണ് യോഗം ചേർന്നത്. ശ്രീജിത്ത് മൂത്തേടത്ത്, കെ.ബി. മധുസൂദനൻ, എസ്.പി. ശ്യാം പ്രസാദ് എന്നിവർ വിദ്യാർത്ഥികളുമായി സംവദിച്ചു. കഴിഞ്ഞ ആഴ്ച അംഗങ്ങൾ വായിച്ച പുസ്തകങ്ങളെയും സാഹിത്യരചനകളെയും യോഗത്തിൽ വിലയിരുത്തി. അടുത്ത ആഴ്ച ചേരുന്ന യോഗത്തിൽ കഥാചർച്ച സംഘടിപ്പിക്കാൻ തീരുമാനിച്ചു. കെ.എൻ. മായ ടീച്ചർ ലൈബ്രറി പുസ്തകങ്ങൾ വിതരണം ചെയ്തു.

ലഹരിക്കെതിരെ സമൂഹ ചിത്രരചന

Image
പ്രധാനാധ്യാപിക പി.എം. രജനി സമൂഹ ചിത്രരചന ഉദ്ഘാടനം ചെയ്യുന്നു ചേർപ്പ്: ചേർപ്പ് സി.എൻ.എൻ. ബോയ്സ് ഹൈസ്കൂളിൽ ലഹരിക്കെതിരെ സമൂഹ ചിത്രരചന സംഘടിപ്പിച്ചു. വിദ്യാർത്ഥികളായ ചിത്രകാരന്മാരാണ് സമൂഹചിത്രരചനയിൽ പങ്കെടുത്തത്. പ്രത്യേകമായി തയ്യാറാക്കിയ ആറ് മീറ്റർ നീളവും രണ്ടുമീറ്റർ വീതിയുമുള്ള ക്യാൻവാസിലാണ് ലഹരിക്കെതിരെ ബോധവൽക്കരണ ചിത്രങ്ങൾ വരച്ചത്.  പ്രധാനാധ്യാപിക പി.എം. രജനി ചിത്രം വരച്ചുകൊണ്ട് ഉദ്ഘാടനം നിർവഹിച്ചു. ചിത്രകലാധ്യാപകൻ കെ,ആർ രഞ്ജിത്ത്, പി.എസ്. റോഷ്, ഡിജിൽ കെ.ഡി. തുടങ്ങിയവർ നേതൃത്വം നൽകി. സമൂഹത്തിൽ വലിയ പ്രത്യാഘാതങ്ങൾ സൃഷ്ടിച്ചുകൊണ്ടിരിക്കുന്ന ലഹരി എന്ന മാരക വിപത്തിനെതിരെ ബോധവൽക്കരണം നടത്തുന്നതിനായാണ് ചിത്രരചന സംഘടിപ്പിച്ചത്.   

മികവുറ്റ വിദ്യാഭ്യാസത്തിന് രാഷ്ട്രപുരോ​ഗതിയിലേക്ക് നയിക്കാൻ സാധിക്കും - ടി.എസ്. പട്ടാഭിരാമൻ

Image
സി.എൻ.എൻ. ബി.എച്ച്. എസ്. എസ്. വിജയോത്സവത്തിൽ ടി.എസ്. പട്ടാഭി രാമൻ സംസാരിക്കുന്നു. ചേർപ്പ് : മികവുറ്റ വിദ്യാലയങ്ങളാണ് രാഷ്ട്രുപുരോ​ഗതിയുടെയും യുവസംരംഭകത്വത്തിന്റെയും ആണിക്കല്ലെന്ന് കല്യാൺ സിൽക്സ് മാനേജിം​ഗ് ഡയറക്ടർ ടി.എസ്. പട്ടാഭിരാമൻ പറഞ്ഞു. ചേർപ്പ് സി.എൻ.എൻ. ബോയ്സ് ഹൈസ്കൂളിൽ സംഘടിപ്പിച്ച വിജയോത്സത്തിൽ മുഖ്യാതിഥിയായി പങ്കെടുത്തുസംസാരിക്കുകയായിരുന്നു അദ്ദേഹം. മികവുറ്റ വിദ്യാഭ്യാസത്തിലൂടെ കർമോത്സുകരായ സംരംഭകരെ സൃഷ്ടിക്കാൻ സാധിക്കുമ്പോൾ അത് സമൂഹത്തിന്റെ സമസ്തമേഖലകളുടെയും പുരോ​ഗതിക്ക് വഴിവെക്കുമെന്നും അദ്ദേഹം കൂട്ടിച്ചേർത്തു. പൊതുവിദ്യാഭ്യാസരം​ഗത്തെ വിദ്യാർത്ഥികൾ മണ്ണിൽ വേരുകൾ ആഴ്ത്തി പഠനം നടത്തുന്നവരാണ്. അവർക്ക് പ്രതിസന്ധികളെ  അതിജീവിക്കുവാനും ഉയരങ്ങളിലേക്ക് എത്തിച്ചേരുവാനും സാധിക്കുമെന്നും അദ്ദേഹം പറഞ്ഞു. ചേർപ്പ് ​ഗ്രാമപഞ്ചായത്ത് പ്രസിഡന്റ് സിജോ ജോർജ്ജ് ഉദ്ഘാടനം നിർവഹിച്ചു. പി.ടി.എ. പ്രസിഡന്റ് ജയരാജ് എൻ.വി. അധ്യക്ഷത വഹിച്ചു. മുൻ ഇൻകം ടാക്സ് ഡെപ്യൂട്ടി കമ്മീഷണർ രുദ്രൻ വാര്യർ മുഖ്യപ്രഭാഷണം നടത്തി. ചേർപ്പ് ഗ്രാമപഞ്ചായത്ത് അംഗം ജയശ്രീ ഷാജൻ, മണികണ്ഠൻ കിഴക്കൂട്ട്, ലിറ്റി ജോയ് എന്നിവർ ആശംസക...

സി.എൻ.എൻ. ബി.എച്ച്.എസ്.എസ്. പി.ടി.എ. ജനറൽ ബോഡി യോഗം ഇന്ന്

Image
ചേർപ്പ് : സി.എൻ.എൻ. ബോയ്സ് ഹയർസെക്കൻഡറി സ്കൂളിലെ പി.ടി.എ. ജനറൽബോഡി യോഗം ഇന്ന് നടക്കും.  ചേർപ്പ് ഗ്രാമപഞ്ചായത്ത് പ്രസിഡന്റ് സിജോ ജോർജ്ജ് ഉദ്ഘാടനം നിർവഹിക്കും. കല്യാൺ സിൽക്സ് എം.ഡി. ടി.എസ്. പട്ടാഭിരാമൻ വിശിഷ്ടാതിഥിയായി പങ്കെടുക്കും. പി.ടി.എ. പ്രസിഡന്റ് ജയരാജ് എൻ.വി. അധ്യക്ഷത വഹിക്കുന്ന ചടങ്ങിൽ പ്രിൻസിപ്പൽ അജോഷ് കെ.ബി. സ്വാഗതം ആശംസിക്കും. ഹെഡ്മിസ്ട്രസ് രജനി പി.എം. റിപ്പോർട്ട് അവതരിപ്പിക്കും.  സ്കൂൾ മാനേജർ ഇ. ബാലഗോപാലൻ സമ്മാനദാന നിർവഹിക്കും. ചേർപ്പ് ഗ്രാമപഞ്ചായത്ത് അംഗം ജയശ്രീ ഷാജൻ ആശംസകൾ അർപ്പിക്കുന്നു. റിട്ടയേഡ് ഇൻകം ടാക്സ് ഡെപ്യൂട്ടി കമ്മീഷണർ രുദ്രൻ വാര്യർ പ്രഭാഷണം നടത്തും. ചടങ്ങിൽ വിവിധ മേഖലകളിൽ നൈപുണ്യം തെളിയിച്ച വിദ്യാർത്ഥികളെ ആദരിക്കും.  

മനുഷ്യന്റെ പൂർണ്ണതയ്ക്ക് വായന അനിവാര്യം: ഡോ. ധർമ്മരാജ് അടാട്ട്

Image
​മനുഷ്യന് പൂർണത കൈവരിക്കാനുള്ള ഉത്തമ മാർ​ഗമാണ് വായനയെന്ന് കാലടി യൂണിവേഴ്സിറ്റി മുൻ വൈസ് ചാൻസിലറും കേരള ​ഗ്രന്ഥശാലാ പ്രസ്ഥാനത്തിന്റെ സംസ്ഥാന അധ്യക്ഷനുമായ ഡോ. ധർമ്മരാജ് അടാട്ട് പറഞ്ഞു. സി.എൻ.എൻ. ബോയ്സ് ഹൈസ്കൂൾ റീഡേഴ്സ് ​ഗിൽ‍ഡിൽ പങ്കെടുത്ത് സംസാരിക്കുകയായിരുന്നു അദ്ദേഹം.  മനുഷ്യനിൽ അന്തർലീനമായിരിക്കുന്ന പൂർണതയുടെ ആവിഷ്കാരമാണ് വിദ്യാഭ്യാസം എന്ന സ്വാമി വിവേകാനന്ദന്റെ വാക്കുകൾ സർ​ഗാത്മകവായനയുടെ പ്രാധാന്യമാണ് വെളിവാക്കുന്നത്. ഈ പൂർണത കൈവരിക്കുന്നതിനുള്ള ഉത്തമമാർ​ഗമാണ് സർ​ഗാത്മക വായന. വായിച്ചാലും വളരും വായിച്ചില്ലെങ്കിലും വളരും, വായിച്ചാൽ വിളയും എന്ന് എഴുതിയത് കുഞ്ഞുണ്ണിമാഷാണ്. ​ഗുണങ്ങളുടെ വളർച്ചയാണ് വായയിലൂടെ ലക്ഷ്യമിടുന്നത്. ജീവിതവിജയം നേടുന്നതിനും മികച്ച പൗരന്മാരാകുന്നതിനും വായന അത്യന്താപേക്ഷിതമാണ്.  ശ്രീനാരായണ​ഗുരുവിന്റെ ആശയങ്ങളായ ജാതിക്കും മതത്തിനും അതീതമായ മാനവികസങ്കല്പം വളർത്തിയെടുക്കുന്നതിന് വായന സഹായിക്കും. അദ്ദേഹം കൂട്ടിച്ചേർത്തു. സി.എൻ.എൻ. ബോയ്സ് ഹൈസ്കൂളിൽ നടന്നുവരുന്ന റീഡേഴ്സ് ​ഗിൽഡിന് എൻ.വി. സ്മാരക ട്രസ്റ്റിന്റെ എല്ലാ പിന്തുണയും ട്രസ്റ്റ് ജനറൽ സെക്രട്ടറി കൂടിയായ ഡോ. ധർമ്മ...