ആദ്യ ബിജോയ്‌ 6C



കേരളത്തിലെ 51
ഹാസ്യനാടോടികഥകൾ 
      

എ. ബി. വി കാവിൽപ്പാട് എഴുതിയ 'കേരളത്തിലെ 51 ഹാസ്യ നാടോടികഥകൾ' എന്ന ഈ പുസ്‌തകത്തിൽ മലയാള നാടോടി കഥാലോകത്തിൽ നിന്നും ചിരി വെളിച്ചം വിതറുന്ന കുറെ മൊഴിമുത്തുകൾ ആണ്  ഉള്ളത്. ഒട്ടേറെ നാടോടി കഥകളാൽ സമ്പന്നമാണ് നമ്മുടെ കൊച്ചു കേരളം. പണ്ടൊക്കെ നമ്മുക്ക് മുത്തശ്ശിമാർ ഉണ്ടായിരുന്നു കഥകൾ പറഞ്ഞു തരാൻ. പക്ഷെ ഇന്ന് ആ രീതികൾക്കു മാറ്റം വന്നുതുടങ്ങിയിരിക്കുന്നു. ഓർത്തോർത്തു ചിരിക്കാൻ പറ്റുന്ന കഥകളാണ് ഈ പുസ്തകത്തിൽ ഉള്ളത്. അതും ഏത് പ്രായക്കാർക്കും വായിച്ചു രസിക്കാനും ചിരിക്കാനും ചിന്തിക്കാനും പറ്റുന്ന കഥകൾ...
17ആം വയസ്സ് മുതൽ എഴുതി തുടങ്ങിയ  അദ്ദേഹം  പല നല്ല കഥകൾക്കും ജീവൻ കൊടുത്തു. അന്ധന്മാർ ആനയെ കണ്ടതിന്റെ വൃത്താന്തം,  ദീപസ്തംഭം മഹാശ്ചര്യം,  കാതിലോല നല്ല താളി വരെ ഫലിത പ്രിയർക്ക് മൂക്ക് മുട്ടെ ആഹരിക്കാനുള്ള വിഭവങ്ങൾ വിളമ്പിയ ഒരു തൂശനിലയാണ് ഈ ചെറു പുസ്തകം. ചിരിയുടെയും ചിന്തയുടെയും കോരികയുമായി കുഞ്ചൻ നമ്പ്യാർ ഉണ്ണി വാര്യർ മങ്ങാട്ടച്ചനും ഇതിൽ വിളമ്പുകാർ ആയിട്ടുണ്ട്. മലയാള നാടിന്റെ തനതായ ഹാസ്യ ബോധത്തിന്റെയും നർമ്മ ഭാവങ്ങളുടെ തെളിച്ചങ്ങളാണ് ആരെയും അതിശയിപ്പിക്കുന്ന പൊട്ടി പൊട്ടി ചിരിപ്പിക്കുന്ന ഈ നാടോടി കഥകൾ. എല്ലാവരും ഈ പുസ്തകം വായിച്ചു നോക്കണം....

                   - ആദ്യ ബിജോയ്‌ 6C

Comments

Post a Comment

Popular posts from this blog

കുഞ്ഞുണ്ണി മാഷ്

Image
  കുറിയ വലിയ കവി ''എനിക്കുണ്ടൊരു ലോകം നിനക്കുണ്ടൊരു ലോകം നമുക്കില്ലൊരു ലോകം...'' നമ്മുടെയൊക്കെ ഇന്നത്തെ ജീവിതങ്ങളെ വെറും മൂന്നുവരികളിൽ ഒതുക്കിവെച്ച, മലയാളത്തിലെ ആദ്യത്തെ ആധുനിക കവികളിൽ ഒരാളാണ് കുഞ്ഞുണ്ണിമാഷ്. ''വായിച്ചാലും വളരും വായിച്ചില്ലെങ്കിലും വളരും വായിച്ചാൽ വിളയും വായിച്ചില്ലെങ്കിൽ വളയും'' കുഞ്ഞുണ്ണി മാഷിന്റെ ഈ വരികൾ പരിചിതരല്ലാത്ത മലയാളികൾ ഉണ്ടാകുമോ? നിരവധി ചൊല്ലുകളാൽ സമൃദ്ധമായിരുന്നു കുഞ്ഞുണ്ണി മാഷിന്റെ എഴുത്തുകൾ. കുട്ടികളുടെ പ്രിയപ്പെട്ട മുത്തശ്ശനായും വട്ട കണ്ണട വച്ച മുതിർന്നവരുടെ പ്രിയ മാഷായും അദ്ദേഹം പ്രിയപ്പെട്ടവനായി. ദാർശനിക ആശയങ്ങളിലുള്ള കവിതകൾ കൊണ്ടാണ് കുഞ്ഞുണ്ണി മാഷ്‌ ആസ്വാദകരുടെ ഹൃദയത്തിൽ ഇടം നേടിയത്. പൊതുവേ കുട്ടി കവിതകളാണ് കുഞ്ഞുണ്ണി മാഷിനെ പ്രശസ്തനാക്കിയതെങ്കിലും അത്തരം കുഞ്ഞു കവിതകളിൽ ഉറച്ചു പോയ ഒരു കവി ആയിരുന്നില്ല അദ്ദേഹം. പക്ഷേ എന്തു തന്നെ ആയാലും ആ കുഞ്ഞു കവിതകളോളം ദാർശനികത മലയാളത്തിൽ മറ്റൊരു കവിയ്ക്കും നൽകാനായിട്ടില്ല എന്നു വേണം പറയാൻ. അതും വളരെ ലളിതമായ മലയാളത്തിൽ, കുഞ്ഞുങ്ങൾക്ക്‌ പോലും മനസ്സിലാകുന്ന ഭാവുകത്വത്തോടെ. അതുകൊണ്ട് തന...
Read more

ഇതരഭാഷാ കഥാ പരിചയം

Image
കഥയും സമൂഹവും   കഥ ഗൗരവമുള്ള ഒന്നാണ്. കഥ ജീവിതമാണ്. കഥ സ്വാതന്ത്ര്യമാണ്. കഥ ആരെയും രസിപ്പിക്കാന്‍ വേണ്ടി എഴുതുന്നതല്ല. അതിനപ്പുറം അതിനൊരു സാമൂഹിക ലക്ഷ്യവുമുണ്ട്. സാമൂഹ്യ വ്യവസ്ഥിതിയിൽ വരുന്ന മാറ്റങ്ങൾ സമൂഹത്തിന്റെ പല വിധത്തിലുള്ള മാറ്റത്തിനു കാരണമായിത്തീരുന്നു. വിഖ്യാതനായ ഐറിഷ്‌ കവി ഡബ്ലിയു. ബി. യേറ്റ്‌സ്‌ എഴുതുകയുണ്ടായി “A work of art is the social act of a solitary man” എന്ന്‌, സമൂഹവും കലാകാരനും തമ്മിലുള്ള ബന്ധത്തെ ചുരുങ്ങിയ വാക്കുകളില്‍ നിഷ്‌കൃഷ്‌ടമായി നിര്‍വ്വചിച്ചിരിക്കയാണ്‌ യേറ്റ്‌സ്‌. ഏതു കലാസൃഷ്‌ടിയും ഏകാകിയായ കലാകാരന്‍ ഏകാഗ്രമായി രൂപം നല്‍കുന്നതാണ്‌. പക്ഷേ, ആ കലാസൃഷ്‌ടി അതേസമയം ഒരു സാമൂഹ്യപ്രവര്‍ത്തനവുമാണ്‌. സാമൂഹ്യജീവിതം ഒളിഞ്ഞോ തെളിഞ്ഞോ സ്വാധീനിച്ചിട്ടില്ലാത്ത ഒരു കലാസൃഷ്‌ടിയുമില്ല. സൃഷ്‌ടിക്കപ്പെട്ടുകഴിഞ്ഞാല്‍ അതിന്റെ ഉടമസ്ഥാവകാശം കലാകാരനുണ്ടാവാമെങ്കിലും കൈവശാവകാശം സമൂഹത്തിനാണ്‌. അതിനാല്‍ എല്ലാ കലാസൃഷ്‌ടിയും ഏകാകിയായ വ്യക്തിയുടെ സാമൂഹ്യപ്രവര്‍ത്തനമാണ്‌. ജനനം മുതല്‍ മരണം വരെയുള്ള ഓരോ ഘട്ടത്തിലും മനുഷ്യന്‍ അന്യരുമായി ബന്ധപ്പെട്ടുനിൽക്കുന്നു എന്നതാണ്‌ വാസ്‌തവം.  രസ...
Read more