അപർണ്ണ പി 9C




 സീക്രട്ട്   ഗാർഡൻ

              അമേരിക്കൻ  സാഹിത്യമേഖലയിലെ   പ്രശസ്ത  എഴുത്തുകാരി യായ  ഫ്രാൻസസ്   ഫോഗ്‌സൺ ബെർനെറ്റിന്റെ  പ്രശസ്ത  നോവലാണ്   'സീക്രട്ട്   ഗാർഡൻ'. തന്റെ     രചനാവൈഭവം  കൊണ്ട്  പ്രശസ്തയാണ്    ഫ്രാൻസസ്‌  ഫോഗ്‌സൺ ബെർനെറ്റ്. 
                  
               മേരി ലെനക്സ്   എന്ന   പെൺ കുട്ടിയാണ്  ഇതിലെ  കേന്ദ്ര കഥാപാത്രം. മേരിലെനക്സ്  ഒരു  തന്നിഷ്ടകാരിയായിരുന്നു. അവൾ  അങ്ങനെ  വളരാൻ   കാരണം തന്നെ ഉയർന്ന തലത്തിൽ  ജോലി ചെയ്യുന്ന പിതാവും  സൽക്കാരപ്രിയയായ  മാതാവുമാണ്. പ്ലേഗ്  എന്ന  മാരകരോഗം  പിടിപെട്ട  തന്റെ  അമ്മയും  അച്ഛനും  പ്രിയപ്പെട്ടവരും  തന്നെ  വേർപിരിഞ്ഞു  എന്നറിഞ്ഞപ്പോൾ   പോലും  അവളുടെ   കുഞ്ഞ് മുഖത്ത്  ഒരു  വികാരവും  തോന്നിയില്ല. ഒരിക്കലും  കാണാതിരുന്ന  അമ്മാവന്റെ   അടുത്തേക്ക്   ലണ്ടനിൽ  നിന്നും   അവൾ  യാത്രയായി. അവിടത്തെ  പലകാര്യങ്ങളും   കേട്ടറിവ് മാത്രമേ   മേരിക്കുള്ളൂ.  അവിടെ  അവൾ  എത്തിപെട്ടപ്പോൾ   ഒരു  ഒറ്റപ്പെടൽ   അനുഭവപെട്ടു. 
  
           കഥയുടെ  മധ്യത്തിൽ  അവൾ  പ്രകൃതി സ്നേഹിയും   നിരീക്ഷണപാഠവത്തിലൂടെ   മൂറ്   എന്ന   ഗ്രാമത്തിലെ  സകല ജീവ ജന്തുക്കളെയും   അറിഞ്ഞിരുന്ന ഡിക്കൻ  എന്ന ഒരു  ബാലകനുമായി   ചങ്ങാത്തം  കൂടുന്നു. ഒരിക്കലും  മറ്റുള്ളവരുമായി   സന്തോഷവും  ദുഃഖവും  പങ്കിടാത്ത  മേരി  ഡിക്കനുമായി  തന്റെ  എല്ലാകാര്യവും  പങ്കിടുന്നു. അങ്ങനെ  മേരിയും  ഒടുവിൽ  പ്രകൃതിസ്നേഹിയാകുന്നു. 
     
             ഒടുവിൽ   ഡിക്കന്റെ  സഹായത്തോടെ  അമ്മാവന്റെയും  മരിച്ചുപോയ അമ്മായിയുടെയും  ജീവൻ   നിലനിൽക്കുന്ന  തോട്ടത്തിലേക്ക്   കയറി.  അവർ  ആ തോട്ടത്തെ  മനോഹരപൂർണ്ണമായ  ഒന്നാക്കി  മാറ്റി. ഒരിക്കലും  നടക്കില്ല  എന്ന്  ഡോക്ടർമാർ   മുദ്രകുത്തിയ   കോളിൻ  എന്ന അമ്മാവന്റെ  മകനെ  ജീവിതത്തിലേക്ക്  തിരിച്ചു  കൊണ്ടുവരാൻ  മേരി  സഹായിച്ചു. അത്തരത്തിൽ  ആത്മവിശ്വാസം   പകർന്നുനൽകി  കോളിനെ  പൂർവസ്ഥിതിയിലാക്കി  അമ്മാവന്റെ  കയ്യിൽ  ഏല്പിച്ചു   കൊടുത്തവളായ  മേരിയാണ്  ഈ കഥയെ  ജീവസുറ്റതാക്കുന്നത്.
     
         'സീക്രട്ട് ഗാർഡൻ'  എന്ന ഈ നോവൽ  മലയാളത്തിലേക്ക്  വിവർത്തനം  ചെയ്തത്  കെ. പി. സുമതി യാണ്. നിരവധി  പുസ്തകങ്ങൾ  മലയാളത്തിലേക്ക്   പുനരാഖ്യാനം  ചെയ്യുകയും ആ   മേഖലയിൽ  പ്രശസ്തി   ആർജിച്ച  വ്യക്തിയും  കൂടിയാണ്  കെ. പി. സുമതി.   ഫ്രാൻസസ്   ഫോഗ്‌സൺ ബെർനെറ്റ് എന്ന  എഴുത്തുകാരിയുടെ  പ്രശസ്‌തി  വാനിലേക്ക്  ഉയർത്തുവാൻ   കാരണമായ ഒരു നോവൽ കൂടിയാണിത്. 
             എനിക്ക്  ഈ പുസ്തകം വളരെയധികം ഇഷ്ടമായി. പ്രായഭേദമന്യേ  ആർക്കും വായിക്കാവുന്ന ഈ നോവൽ തീർച്ചയായും എല്ലാവരും വായിച്ചിരിക്കേണ്ടതാണ്.           
                     
                              - അപർണ്ണ. പി 9 C

                         

Comments

Post a Comment

Popular posts from this blog

കുഞ്ഞുണ്ണി മാഷ്

Image
  കുറിയ വലിയ കവി ''എനിക്കുണ്ടൊരു ലോകം നിനക്കുണ്ടൊരു ലോകം നമുക്കില്ലൊരു ലോകം...'' നമ്മുടെയൊക്കെ ഇന്നത്തെ ജീവിതങ്ങളെ വെറും മൂന്നുവരികളിൽ ഒതുക്കിവെച്ച, മലയാളത്തിലെ ആദ്യത്തെ ആധുനിക കവികളിൽ ഒരാളാണ് കുഞ്ഞുണ്ണിമാഷ്. ''വായിച്ചാലും വളരും വായിച്ചില്ലെങ്കിലും വളരും വായിച്ചാൽ വിളയും വായിച്ചില്ലെങ്കിൽ വളയും'' കുഞ്ഞുണ്ണി മാഷിന്റെ ഈ വരികൾ പരിചിതരല്ലാത്ത മലയാളികൾ ഉണ്ടാകുമോ? നിരവധി ചൊല്ലുകളാൽ സമൃദ്ധമായിരുന്നു കുഞ്ഞുണ്ണി മാഷിന്റെ എഴുത്തുകൾ. കുട്ടികളുടെ പ്രിയപ്പെട്ട മുത്തശ്ശനായും വട്ട കണ്ണട വച്ച മുതിർന്നവരുടെ പ്രിയ മാഷായും അദ്ദേഹം പ്രിയപ്പെട്ടവനായി. ദാർശനിക ആശയങ്ങളിലുള്ള കവിതകൾ കൊണ്ടാണ് കുഞ്ഞുണ്ണി മാഷ്‌ ആസ്വാദകരുടെ ഹൃദയത്തിൽ ഇടം നേടിയത്. പൊതുവേ കുട്ടി കവിതകളാണ് കുഞ്ഞുണ്ണി മാഷിനെ പ്രശസ്തനാക്കിയതെങ്കിലും അത്തരം കുഞ്ഞു കവിതകളിൽ ഉറച്ചു പോയ ഒരു കവി ആയിരുന്നില്ല അദ്ദേഹം. പക്ഷേ എന്തു തന്നെ ആയാലും ആ കുഞ്ഞു കവിതകളോളം ദാർശനികത മലയാളത്തിൽ മറ്റൊരു കവിയ്ക്കും നൽകാനായിട്ടില്ല എന്നു വേണം പറയാൻ. അതും വളരെ ലളിതമായ മലയാളത്തിൽ, കുഞ്ഞുങ്ങൾക്ക്‌ പോലും മനസ്സിലാകുന്ന ഭാവുകത്വത്തോടെ. അതുകൊണ്ട് തന...
Read more

ഇതരഭാഷാ കഥാ പരിചയം

Image
കഥയും സമൂഹവും   കഥ ഗൗരവമുള്ള ഒന്നാണ്. കഥ ജീവിതമാണ്. കഥ സ്വാതന്ത്ര്യമാണ്. കഥ ആരെയും രസിപ്പിക്കാന്‍ വേണ്ടി എഴുതുന്നതല്ല. അതിനപ്പുറം അതിനൊരു സാമൂഹിക ലക്ഷ്യവുമുണ്ട്. സാമൂഹ്യ വ്യവസ്ഥിതിയിൽ വരുന്ന മാറ്റങ്ങൾ സമൂഹത്തിന്റെ പല വിധത്തിലുള്ള മാറ്റത്തിനു കാരണമായിത്തീരുന്നു. വിഖ്യാതനായ ഐറിഷ്‌ കവി ഡബ്ലിയു. ബി. യേറ്റ്‌സ്‌ എഴുതുകയുണ്ടായി “A work of art is the social act of a solitary man” എന്ന്‌, സമൂഹവും കലാകാരനും തമ്മിലുള്ള ബന്ധത്തെ ചുരുങ്ങിയ വാക്കുകളില്‍ നിഷ്‌കൃഷ്‌ടമായി നിര്‍വ്വചിച്ചിരിക്കയാണ്‌ യേറ്റ്‌സ്‌. ഏതു കലാസൃഷ്‌ടിയും ഏകാകിയായ കലാകാരന്‍ ഏകാഗ്രമായി രൂപം നല്‍കുന്നതാണ്‌. പക്ഷേ, ആ കലാസൃഷ്‌ടി അതേസമയം ഒരു സാമൂഹ്യപ്രവര്‍ത്തനവുമാണ്‌. സാമൂഹ്യജീവിതം ഒളിഞ്ഞോ തെളിഞ്ഞോ സ്വാധീനിച്ചിട്ടില്ലാത്ത ഒരു കലാസൃഷ്‌ടിയുമില്ല. സൃഷ്‌ടിക്കപ്പെട്ടുകഴിഞ്ഞാല്‍ അതിന്റെ ഉടമസ്ഥാവകാശം കലാകാരനുണ്ടാവാമെങ്കിലും കൈവശാവകാശം സമൂഹത്തിനാണ്‌. അതിനാല്‍ എല്ലാ കലാസൃഷ്‌ടിയും ഏകാകിയായ വ്യക്തിയുടെ സാമൂഹ്യപ്രവര്‍ത്തനമാണ്‌. ജനനം മുതല്‍ മരണം വരെയുള്ള ഓരോ ഘട്ടത്തിലും മനുഷ്യന്‍ അന്യരുമായി ബന്ധപ്പെട്ടുനിൽക്കുന്നു എന്നതാണ്‌ വാസ്‌തവം.  രസ...
Read more