നന്ദന രാജ് 9C



ടോമും രാജകുമാരനും
                 

               അമേരിക്കൻ എഴുത്തുകാരനായ മാർക് ട്വയിൻനിന്റെ  പ്രസിദ്ധ നോവലായ' ദി പ്രിൻസ് ആൻഡ്  പോപ്പർ ' എന്നതിന്റെ സ്വതന്ത്ര പരിഭാഷയാണ് 'ടോമും രാജകുമാരനും' എന്ന ഈ പുസ്തകം.ഈ പുസ്‌തകം പുനരാഖ്യാനം ചെയ്‌തിരിക്കുന്നത് അബ്ദുള്ള പേരാമ്പ്രയാണ്.  കുഞ്ഞുമനസ്സുകളിൽ കൗതുകവും ആകാംക്ഷയും വളർത്തുന്ന തെളിമയുള്ള ഭാഷയിൽ പുനരാവിഷ്കാരപ്പെട്ട  കൃതിയാണിത്. 
                ലോകമെങ്ങുമുള്ള കുട്ടികളുടെ മനസ്സിൽ പണ്ടേ സ്ഥാനംപിടിച്ച ടോം സോയറും, ഹക്ക്ൾബർഹി  ഫിന്നും എല്ലാം മാർക് ട്വയിൻനിന്റെ  കഥാപാത്രങ്ങളാണ്. 'ദി പ്രിൻസ് ആൻഡ് പോപ്പർ' എന്ന നോവലിൽ ഉന്നതകുലജാതരുടെ പ്രത്യേക അവകാശങ്ങളെയും പെരുമാറ്റത്തെയും മാർക് ട്വയിൻ പരിഹാസ വിധേയമാക്കുന്നു. 
                          ഭിക്ഷ യാചിച്ചു ജീവിച്ചിരുന്ന ടോമും, സുഖ സമൃദ്ധിയിൽ കഴിഞ്ഞ രാജകുമാരനും, സ്ഥാനം മാറി ജീവിക്കാൻ തുടങ്ങിയപ്പോൾ ഉണ്ടായ പ്രശ്നങ്ങളും മാനസ സംഘർഷങ്ങളുമാണ് ഈ കഥയിലെ ഉള്ളടക്കം. രാജകുമാരൻ്റെ ആർഭാട ജീവിതമായിരുന്നു ടോമിന് ഏറ്റവും വലിയ ആഗ്രഹം. രാജകുമാരൻ ആകട്ടെ ടോമിനെ പോലെ സ്വതന്ത്രനാകാൻ ആഗ്രഹിച്ചു. അങ്ങനെ അവർ സ്ഥാനങ്ങൾ പരസ്പരം കൈമാറി. 
                    രണ്ടുപേർക്കും തന്റെ ഈ രീതിയിലുള്ള ജീവിതം രണ്ടുദിവസത്തിനുള്ളിൽ മടുത്തു. ഈ പുസ്തകം എനിക്ക് ഏറെ ഇഷ്ടമായി. കൊച്ചുകൊച്ചു വാക്കുകളിലൂടെയുള്ള ആവിഷ്ക്കാരമാണിത്. ഏതൊരു വായനക്കാരനെയും ഒറ്റയിരിപ്പിന് വായിച്ചുതീർക്കാൻ പ്രേരിപ്പിക്കുന്ന കൃതി. 
                      ഓരോ ആൾക്കും സഞ്ചരിക്കാനുള്ള ഒരു പാതയുണ്ട്. അവിടെനിന്നും മാറിയാൽ അപരിചിതവും, അമ്പരപ്പുമാണ് അനുഭവപ്പെടുക. മൂല കൃതിയിലെ സുപ്രധാന നാടകീയ മുഹൂർത്തങ്ങൾ ചോർന്നു പോകാതിരിക്കാൻ ശ്രീ അബ്ദുള്ള പേരാമ്പ്ര ശ്രമിച്ചിട്ടുണ്ട്. 
                    ഈ ബാലസാഹിത്യ നോവൽ എനിക്ക് ഏറെ ഇഷ്ടമായി. ഈ പുസ്തകം എല്ലാവരും വായിക്കണമെന്ന് അഭ്യർത്ഥിക്കുന്നു
                       
                      - നന്ദന രാജ് 9c
           

Comments

Post a Comment

Popular posts from this blog

കുഞ്ഞുണ്ണി മാഷ്

Image
  കുറിയ വലിയ കവി ''എനിക്കുണ്ടൊരു ലോകം നിനക്കുണ്ടൊരു ലോകം നമുക്കില്ലൊരു ലോകം...'' നമ്മുടെയൊക്കെ ഇന്നത്തെ ജീവിതങ്ങളെ വെറും മൂന്നുവരികളിൽ ഒതുക്കിവെച്ച, മലയാളത്തിലെ ആദ്യത്തെ ആധുനിക കവികളിൽ ഒരാളാണ് കുഞ്ഞുണ്ണിമാഷ്. ''വായിച്ചാലും വളരും വായിച്ചില്ലെങ്കിലും വളരും വായിച്ചാൽ വിളയും വായിച്ചില്ലെങ്കിൽ വളയും'' കുഞ്ഞുണ്ണി മാഷിന്റെ ഈ വരികൾ പരിചിതരല്ലാത്ത മലയാളികൾ ഉണ്ടാകുമോ? നിരവധി ചൊല്ലുകളാൽ സമൃദ്ധമായിരുന്നു കുഞ്ഞുണ്ണി മാഷിന്റെ എഴുത്തുകൾ. കുട്ടികളുടെ പ്രിയപ്പെട്ട മുത്തശ്ശനായും വട്ട കണ്ണട വച്ച മുതിർന്നവരുടെ പ്രിയ മാഷായും അദ്ദേഹം പ്രിയപ്പെട്ടവനായി. ദാർശനിക ആശയങ്ങളിലുള്ള കവിതകൾ കൊണ്ടാണ് കുഞ്ഞുണ്ണി മാഷ്‌ ആസ്വാദകരുടെ ഹൃദയത്തിൽ ഇടം നേടിയത്. പൊതുവേ കുട്ടി കവിതകളാണ് കുഞ്ഞുണ്ണി മാഷിനെ പ്രശസ്തനാക്കിയതെങ്കിലും അത്തരം കുഞ്ഞു കവിതകളിൽ ഉറച്ചു പോയ ഒരു കവി ആയിരുന്നില്ല അദ്ദേഹം. പക്ഷേ എന്തു തന്നെ ആയാലും ആ കുഞ്ഞു കവിതകളോളം ദാർശനികത മലയാളത്തിൽ മറ്റൊരു കവിയ്ക്കും നൽകാനായിട്ടില്ല എന്നു വേണം പറയാൻ. അതും വളരെ ലളിതമായ മലയാളത്തിൽ, കുഞ്ഞുങ്ങൾക്ക്‌ പോലും മനസ്സിലാകുന്ന ഭാവുകത്വത്തോടെ. അതുകൊണ്ട് തന...
Read more

ഇതരഭാഷാ കഥാ പരിചയം

Image
കഥയും സമൂഹവും   കഥ ഗൗരവമുള്ള ഒന്നാണ്. കഥ ജീവിതമാണ്. കഥ സ്വാതന്ത്ര്യമാണ്. കഥ ആരെയും രസിപ്പിക്കാന്‍ വേണ്ടി എഴുതുന്നതല്ല. അതിനപ്പുറം അതിനൊരു സാമൂഹിക ലക്ഷ്യവുമുണ്ട്. സാമൂഹ്യ വ്യവസ്ഥിതിയിൽ വരുന്ന മാറ്റങ്ങൾ സമൂഹത്തിന്റെ പല വിധത്തിലുള്ള മാറ്റത്തിനു കാരണമായിത്തീരുന്നു. വിഖ്യാതനായ ഐറിഷ്‌ കവി ഡബ്ലിയു. ബി. യേറ്റ്‌സ്‌ എഴുതുകയുണ്ടായി “A work of art is the social act of a solitary man” എന്ന്‌, സമൂഹവും കലാകാരനും തമ്മിലുള്ള ബന്ധത്തെ ചുരുങ്ങിയ വാക്കുകളില്‍ നിഷ്‌കൃഷ്‌ടമായി നിര്‍വ്വചിച്ചിരിക്കയാണ്‌ യേറ്റ്‌സ്‌. ഏതു കലാസൃഷ്‌ടിയും ഏകാകിയായ കലാകാരന്‍ ഏകാഗ്രമായി രൂപം നല്‍കുന്നതാണ്‌. പക്ഷേ, ആ കലാസൃഷ്‌ടി അതേസമയം ഒരു സാമൂഹ്യപ്രവര്‍ത്തനവുമാണ്‌. സാമൂഹ്യജീവിതം ഒളിഞ്ഞോ തെളിഞ്ഞോ സ്വാധീനിച്ചിട്ടില്ലാത്ത ഒരു കലാസൃഷ്‌ടിയുമില്ല. സൃഷ്‌ടിക്കപ്പെട്ടുകഴിഞ്ഞാല്‍ അതിന്റെ ഉടമസ്ഥാവകാശം കലാകാരനുണ്ടാവാമെങ്കിലും കൈവശാവകാശം സമൂഹത്തിനാണ്‌. അതിനാല്‍ എല്ലാ കലാസൃഷ്‌ടിയും ഏകാകിയായ വ്യക്തിയുടെ സാമൂഹ്യപ്രവര്‍ത്തനമാണ്‌. ജനനം മുതല്‍ മരണം വരെയുള്ള ഓരോ ഘട്ടത്തിലും മനുഷ്യന്‍ അന്യരുമായി ബന്ധപ്പെട്ടുനിൽക്കുന്നു എന്നതാണ്‌ വാസ്‌തവം.  രസ...
Read more