മീര കെ എച്ച് 10E



ഏഴാംവാതിൽ 

മലയാളത്തിന്റെ പ്രിയ എഴുത്തുകാരൻ ശ്രീ പെരുമ്പടവം ശ്രീധരന്റെ അതിമനോഹരമായ ഒരു നോവലാണ് ഏഴാംവാതിൽ. പാപബോധത്തിന്റെ സങ്കടങ്ങളാൽ സത്യകൂടാരത്തിന്റെ ഏഴാംവാതിൽ തിരയുന്ന ഒരു സ്ത്രീ കഥാപാത്രത്തിലൂടെ പാപബോധംകൊണ്ടിടറുന്ന ഒരുപാടാത്മാക്കളുടെ ജീവിതം ഈ നോവലിലൂടെ എഴുത്തുകാരൻ വിശദമാക്കുന്നു. 
          പാപബോധത്തിന്റെ സങ്കടങ്ങളാണ് ഈ കഥയുടെ പ്രമേയം. മലങ്കാടുകളുടെ വിശുദ്ധിയിൽ നിന്ന് ഇനിയും അവിടെനിന്നാൽ ആ മലകളും കാടുകളും താനും അശുദ്ധമാകുമെന്ന് ഭയന്ന് ഒരാത്മാവ് ഈ കഥയിൽ സ്വയം പുറത്താവുകയാണ്. 
           വ്യഭിചാരകർമത്തിൽ മുഴുകിയ ഒരു സ്ത്രീയെ യേശുവിന് മുന്നിൽ നിർത്തി ഇവൾ പാപിയാണ് ഇവളെ എങ്ങനെ ശിക്ഷിക്കണമെന്ന് ചോദിച്ച ശാസ്ത്രിമാരോടും പരീശന്മാരോടും പാപം ചെയ്യാത്തവർ ഇവളെ  കല്ലെറിയട്ടെ എന്ന് യേശു മറുപടി പറയുകയും യേശുവിന്റെ മറുപടി കേട്ട് അവരോരോരുത്തരും പിരിഞ്ഞു പോവുകയും അവസാനം ഇനി പാപകർമങ്ങളിൽ മുഴുകരുതെന്ന് ആ സ്ത്രീയെ യേശു ഉപദേശിക്കുകയും ചെയ്യുന്ന ഒരു സന്ദർഭം നോവലിന്റെ ആരംഭത്തിൽ കഥാകൃത്ത് കൂട്ടിച്ചേർത്തിട്ടുണ്ട്. ഈ ഒരു ഭാഗം നോവലിന്റെ അന്തർസത്തയെ കാണിക്കുന്നു. താൻ ചെയ്ത പാപകർമങ്ങളിൽ നിന്ന് മുക്തി നേടാനായി സത്യകൂടാരത്തിന്റെ ഏഴാംവാതിൽ അന്വേഷിക്കുന്ന ഒരു സ്ത്രീയെ ഈ നോവലിൽ നമുക്ക് കാണാം. വളരെ അർത്ഥവത്തായ ഈ നോവൽ എല്ലാവരും വായിക്കേണ്ട ഒന്നാണ്.

                       - മീര കെ എച്ച് 10E

Comments

Post a Comment

Popular posts from this blog

കുഞ്ഞുണ്ണി മാഷ്

Image
  കുറിയ വലിയ കവി ''എനിക്കുണ്ടൊരു ലോകം നിനക്കുണ്ടൊരു ലോകം നമുക്കില്ലൊരു ലോകം...'' നമ്മുടെയൊക്കെ ഇന്നത്തെ ജീവിതങ്ങളെ വെറും മൂന്നുവരികളിൽ ഒതുക്കിവെച്ച, മലയാളത്തിലെ ആദ്യത്തെ ആധുനിക കവികളിൽ ഒരാളാണ് കുഞ്ഞുണ്ണിമാഷ്. ''വായിച്ചാലും വളരും വായിച്ചില്ലെങ്കിലും വളരും വായിച്ചാൽ വിളയും വായിച്ചില്ലെങ്കിൽ വളയും'' കുഞ്ഞുണ്ണി മാഷിന്റെ ഈ വരികൾ പരിചിതരല്ലാത്ത മലയാളികൾ ഉണ്ടാകുമോ? നിരവധി ചൊല്ലുകളാൽ സമൃദ്ധമായിരുന്നു കുഞ്ഞുണ്ണി മാഷിന്റെ എഴുത്തുകൾ. കുട്ടികളുടെ പ്രിയപ്പെട്ട മുത്തശ്ശനായും വട്ട കണ്ണട വച്ച മുതിർന്നവരുടെ പ്രിയ മാഷായും അദ്ദേഹം പ്രിയപ്പെട്ടവനായി. ദാർശനിക ആശയങ്ങളിലുള്ള കവിതകൾ കൊണ്ടാണ് കുഞ്ഞുണ്ണി മാഷ്‌ ആസ്വാദകരുടെ ഹൃദയത്തിൽ ഇടം നേടിയത്. പൊതുവേ കുട്ടി കവിതകളാണ് കുഞ്ഞുണ്ണി മാഷിനെ പ്രശസ്തനാക്കിയതെങ്കിലും അത്തരം കുഞ്ഞു കവിതകളിൽ ഉറച്ചു പോയ ഒരു കവി ആയിരുന്നില്ല അദ്ദേഹം. പക്ഷേ എന്തു തന്നെ ആയാലും ആ കുഞ്ഞു കവിതകളോളം ദാർശനികത മലയാളത്തിൽ മറ്റൊരു കവിയ്ക്കും നൽകാനായിട്ടില്ല എന്നു വേണം പറയാൻ. അതും വളരെ ലളിതമായ മലയാളത്തിൽ, കുഞ്ഞുങ്ങൾക്ക്‌ പോലും മനസ്സിലാകുന്ന ഭാവുകത്വത്തോടെ. അതുകൊണ്ട് തന...
Read more

ഇതരഭാഷാ കഥാ പരിചയം

Image
കഥയും സമൂഹവും   കഥ ഗൗരവമുള്ള ഒന്നാണ്. കഥ ജീവിതമാണ്. കഥ സ്വാതന്ത്ര്യമാണ്. കഥ ആരെയും രസിപ്പിക്കാന്‍ വേണ്ടി എഴുതുന്നതല്ല. അതിനപ്പുറം അതിനൊരു സാമൂഹിക ലക്ഷ്യവുമുണ്ട്. സാമൂഹ്യ വ്യവസ്ഥിതിയിൽ വരുന്ന മാറ്റങ്ങൾ സമൂഹത്തിന്റെ പല വിധത്തിലുള്ള മാറ്റത്തിനു കാരണമായിത്തീരുന്നു. വിഖ്യാതനായ ഐറിഷ്‌ കവി ഡബ്ലിയു. ബി. യേറ്റ്‌സ്‌ എഴുതുകയുണ്ടായി “A work of art is the social act of a solitary man” എന്ന്‌, സമൂഹവും കലാകാരനും തമ്മിലുള്ള ബന്ധത്തെ ചുരുങ്ങിയ വാക്കുകളില്‍ നിഷ്‌കൃഷ്‌ടമായി നിര്‍വ്വചിച്ചിരിക്കയാണ്‌ യേറ്റ്‌സ്‌. ഏതു കലാസൃഷ്‌ടിയും ഏകാകിയായ കലാകാരന്‍ ഏകാഗ്രമായി രൂപം നല്‍കുന്നതാണ്‌. പക്ഷേ, ആ കലാസൃഷ്‌ടി അതേസമയം ഒരു സാമൂഹ്യപ്രവര്‍ത്തനവുമാണ്‌. സാമൂഹ്യജീവിതം ഒളിഞ്ഞോ തെളിഞ്ഞോ സ്വാധീനിച്ചിട്ടില്ലാത്ത ഒരു കലാസൃഷ്‌ടിയുമില്ല. സൃഷ്‌ടിക്കപ്പെട്ടുകഴിഞ്ഞാല്‍ അതിന്റെ ഉടമസ്ഥാവകാശം കലാകാരനുണ്ടാവാമെങ്കിലും കൈവശാവകാശം സമൂഹത്തിനാണ്‌. അതിനാല്‍ എല്ലാ കലാസൃഷ്‌ടിയും ഏകാകിയായ വ്യക്തിയുടെ സാമൂഹ്യപ്രവര്‍ത്തനമാണ്‌. ജനനം മുതല്‍ മരണം വരെയുള്ള ഓരോ ഘട്ടത്തിലും മനുഷ്യന്‍ അന്യരുമായി ബന്ധപ്പെട്ടുനിൽക്കുന്നു എന്നതാണ്‌ വാസ്‌തവം.  രസ...
Read more